Ռուսաստանին անհանգստացրել է տիեզերքում ԱՄՆ-ի գերիշխանության մասին Թրամփի հայտարարությունը

Ռուսաստանին անհանգստացրել են «տիեզերքում գերիշխանություն» ունենալու և հատուկ ռազմական ճյուղ՝ «տիեզերական ուժեր» ստեղծելու վերաբերյալ ԱՄՆ նախագահ Դոնալդ Թրամփի հայտարարությունները: Այս մասին ասել է Ռուսաստանի արտգործնախարարի խոսնակ Մարիա Զախարովան՝ անդրադառնալով Թրամփի այն խոսքերին, թե «Ամերիկան միշտ առաջինը կլինի տիեզերքում և թույլ չի տա Ռուսաստանին, Չինաստանին կամ մեկ այլ երկրի անցնել իրեն»:


Զախարովան մեղադրել է ԱՄՆ-ին այդպիսով «ռազմական գործողություններ կազմակերպելու նպատակ ունենալու» մեջ՝ վստահեցնելով, թե Ռուսաստանի նույնատիպ ուժերը «բացառապես պաշտպանական» նպատակով են ստեղծված: