Быць годным наступнікам Смулковай. Новы амбасадар Польшчы выступіў зь першай публічнай прамовай па-беларуску
«Мне надзвычай прыемна быць сярод людзей, якія любяць і шануюць сваю мову, культуру, якія памятаюць наша агульнае мінулае. Быць сярод тых, хто хоча, каб палякі і беларусы жылі ў атмасфэры сяброўства і добрасуседзтва», — сказаў нядаўна прызначаны амбасадар Польшчы ў Беларусі Артур Міхальскі ў сваім першым публічным выступе на новай пасадзе.