Չեխ կինոգործիչները համերաշխություն են հայտնում Սենցովին

Չեխիայի կինոգործիչները օգոստոսի 21-ը հայտարարել են «շղթայական» հացադուլի սկիզբ, նման կերպ արտահայտելով իրենց աջակցությունը ռուսական բանտում հացադուլ հայտարարած ուկրաինացի  ռեժիսոր Օլեգ Սենցովին: 20 տարվա ազատազրկման դատապարտված Սենցովը ավելի քան երեք ամիս հացադուլի մեջ է՝ պահանջելով ազատ արձակել Ռուսաստանում բանտարկված ուկրաինացի բոլոր քաղբանտարկյալներին:


Ավելի վաղ, չեխ կինոգործիչերը դիմել էին խորհրդարանի  պատգամավորներին և վերին պալատի սենատորներին, կոչ անելով պաշտպանել Սենցովին ու բողոքի նամակներ հղել  Ռուսաստանի նախագահ Վլադիմիր Պուտինին ու վարչապետ Դմիտրի Մեդվեդևին:


Չեխիայի կինոգործիչների ակցիայի օրը՝ օգոստոսի 21-ը, համընկնում է խորհրդային զորքերի Պրահա ներխուժելու  50-րդ տարելիցի հետ: