Մխիթարյանի վիճակագրությունն ու գնահատականը Վորսկլայի հետ խաղում

«Whoscored.com» հեղինակավոր կայքը ներկայացրել է «Արսենալի» ֆուտբոլիստների վիճակագրությունն ու գնահատականը Եվրոպա լիգայի խմբային փուլի առաջին տուրի` «Վորսկլայի» հետ տնային խաղում:

 

«Զինագործները», հիշեցնենք, 4-2 հաշվով հաղթանակ են տարել:

 

Հայաստանի ազգային հավաքականի կիսապաշտպան Հենրիխ Մխիթարյանն «Արսենալի» կազմում մասնակցել է ամբողջ հանդիպմանը և երկու գոլային փոխանցման հեղինակ դարձել` ստանալով բարձր` 7,48 գնահատականը:

 

Հայ ֆուտբոլիստն, ընդհանուր առմամբ, երկու հարված է կատարել, որոնցից մեկը` դարպասի ուղղությամբ: Մխիթարյանը 51 փոխանցում է հասցեագրել թիմակիցներին` 80,4% ճշգրտությամբ: Դրանցից երկուսը եղել են սրող:

 

Նշենք` «Whoscored»-ի վարկածով հանդիպման լավագույն խաղացող է ճանաչվել Պիեր-Էմերիկ Օբամեյանգը, ով դուբլի հեղինակ է դարձել` ստանալով 9,0 գնահատականը: