Ռեմսին համաձայնել է տեղափոխվել «Ինտեր»
Լոնդոնի «Արսենալի» կիսապաշտպան Աարոն Ռեմսին կտեղափոխվի «Ինտեր»: Վստահեցնում է La Repubblica-ն:
Ֆուտբոլիստի գործակալը միլանյան ակումբի ներկայացուցչի հետ հանդիպել է ուրբաթ: Կողմերը համաձայնության են եկել խաղացողի պայմանագրի հարցում: Ուելսցին «Ինտերի» ֆուտբոլիստ կդառնա 2019 թվականի հուլիսի 1-ին:
Ըստ աղբյուրի` «ներաձուրիները» Ռեմսիին կվճարեն տարեկան 6-7 մլն եվրո աշխատավարձ:
Կիսապաշտպանի ծառայություններով հետաքրքրված էին նաև «Լիվերպուլը», «Բավարիան» և «Մանչեսթեր Յունայթեդը»: