Әлмәттә язгы чәчүне тәмамлыйлар
Район хуҗалыкларында кыр эшләренең кызган чагы. Авыл хуҗалыгы һәм азык-төлек идарәсе начальнигы Извил Габдрәкыйпов белдергәнчә, бүгенгә чәчү барлык мәйданның 80 процентында башкарылган.
“Чагылтау”, “Зәй”, Токарликов исемендәге хуҗалыклар иртә культуралар чәчүне төгәлләгән. Калган хуҗалыклар да аны бер-ике көннән тәмамлаячак. Аннан соң игенчеләр карабодай, кукуруз, судан үләне кебек культуралар чәчәргә керешәчәк.