«Բարսելոնան» պատրաստվում է ավարտին հասցնել Իլկայ Գյունդողանի տրանսֆերը
«Բարսելոնան» պատրաստվում է հաստատել «Մանչեսթեր Սիթիի» ավագ Իլկայ Գյունդողանի պայմանագիրը, հայտնել են 90min-ի աղբյուրները:
32-ամյա կիսապաշտպանը տարեսկզբից բանակցություններ է վարում «Բարսայի» հետ:
«Սիթին» նրան առաջարկել է մնալ, սակայն Անգլիայում անցկացրած 9 մրցաշրջանից հետո Գյունդողանը որոշել է միանալ «Բարսային» և որոշման մասին հայտնել է Պեպ Գվարդիոլային և ակումբի ղեկավարությանը Չեմպիոնների լիգայի եզրափակիչում «Ինտերի» դեմ հաղթանակից հետո:
Գերմանիայի ազգային հավաքականի խաղացողը համաձայնել է 3 տարվա պայմանագիր կնքել «կապտանռնագույնների» հետ, թեև 1 տարվա տարբերակը նույնպես դիտարկվում է: