Россиянең хезмәт династияләре «Туганнар-Яратканнар» форумында үз төбәкләрен тәкъдим итте

Халык хуҗалыгы казанышлары күргәзмәсендә (ВДНХ) «Туганнар-Яратканнар» Бөтенроссия гаилә форумында «Россия династияләре» конкурсы башланды. Ул «Россия» халыкара күргәзмә-форумы кысаларында оештырылды һәм анда меңнән артык кеше катнаша. Бу хакта «Татар-информ»га чараны оештыручылар хәбәр итә.

Берничә көн дәвамында гаиләләр тәҗрибә уртаклаша, мастер-классларда катнаша, милли ризыкларның рецептлары белән уртаклаша. Программаның иң популяр номинацияләренең берсе – «Туган ил белгечләре», аның ярдәмендә илнең барлык төбәкләре белән бер мәйданчыкта танышырга мөмкин.

Бу категориядә федерациянең барлык субъектлары вәкилләре катнаша. Катнашучыларның төп бурычы - үз төбәгенең истәлекле урыннары һәм уникаль үзенчәлекләре турында ачык һәм матур итеп сөйләү.

«Россия династияләре» конкурс программасы - «Туганныр-Яратканнар» форумында катнашучылар өчен махсус проект. Ул ярышучы гаиләләрнең төрле буыны вәкилләренә иҗади сәләтләрен күрсәтү, туган җире турындагы белемнәре белән уртаклашу, гаилә рецептлары турында сөйләү һәм төрле өлкәдә белемен күрсәтү мөмкинлеге бирергә тиеш.

«КАМАЗ» заводында гомуми стажлары 279 ел булган Гайфуллиннар-Сафиннар гаиләсе «Россия» күргәзмә-форумында Татарстанны тәкъдим итте. «Туганнар-Яратканнар» форумында иң актив гаиләләр Татарстан Республикасына сәфәр отты.

«Туганнар-Яратканнар» Бөтенроссия гаилә форумы - Россия Президенты Владимир Путин илдә игълан иткән Гаилә елының беренче рәсми чарасы. Ул Мәскәүдә 19-23 гыйнварда уза.