د اسنادو نه شتوالی: د تورخم دواړو خواوو ته سلګونه لارۍ ولاړې دي
د پاکستان او افغانستان ډرېورانو لپاره د دخولۍ لنډمهالو یا عارضي اسنادو (ټېمپرېري ایډمېشن ډاکومېنټ یا ټي اې ډي) د شرط له عملي کېدو راهیسې د تورخم دواړو خواوو ته سلګونه مال لېږدوونکي ګاډي درېدلي دي او سوداګري اغېزمنه شوې ده. چارواکو د هغو اسنادو لرل د اګست له پیل راهیسې عملي کړي دي. ډرېوران وايي چې د پاکستان حکومت دې ورته د هغو شپږ میاشتنیو اسنادو جوړولو لپاره وخت ورکړي. خو چارواکو د اګست پر لومړۍ نېټه مشال راډیو ته ویلي ول چې ډرېورانو ته یې د جولای تر ۳۱مې پورې وخت ورکړی وو، باید یې اسناد اخیستي وای. ویډیويي رپورټ