«Վեսթ Հեմի» ֆուտբոլիստին ցմահ որակազրկում է սպառնում
«Վեսթ Հեմի» հարձակողական ոճի կիսապաշտպան Լուկաս Պակետան 2025 թվականի մարտին դատարանի առաջ կկանգնի։ Այս մասին տեղեկացնում է The Sun-ը։
Աղբյուրի տեղեկություններով, «մուրճակիրների» ճամբարում դժգոհ են, որ այս գործի լսումները տեղի են ունենալու մրցաշրջանի ընթացքում, ինչը կարող է ազդել բրազիլացի ֆուտբոլիստի խաղի վրա։
Անգլիայի ֆուտբոլի ասոցիացիան Պակետային մեղադրում է չորս դեպքով, երբ նա միտումնավոր գործողություններ է իրականացրել խաղադաշտում՝ նպատակ ունենալով համապատասխանեցնել նախապես կատարած խաղադրույքների պայմաններին։
Նշվում է, որ 27-ամյա կիսապաշտպանին կարող է սպառնալ ցմահ որակազրկում։ «Վեսթ Հեմը» ամբողջությամբ պաշտպանում է ֆուտբոլիստին։