ოპოზიციის ლიდერები ღამის 10 საათამდე გმირთა მოედნის გადაკეტვას აანონსებენ

თბილისში შაბათს, 23 ნოემბერს, 15:00 საათზე დაიწყო ოპოზიციური პარტიების დაანონსებული საპროტესტო დემონსტრაცია ხელახალი არჩევნების მოთხოვნით.


ოპოზიციის ლიდერებმა, ნიკა გვარამიამ და გიორგი ვაშაძემ 16:00 საათისთვის მოუწოდეს აქციაზე შეკრებილებს, გადაინაცვლონ გმირთა მოედანზე, ვარაზისხევის გავლით, და ღამის 10 საათამდე გადაკეტონ საავტომობილო მოძრაობა.


მოგვიანებით ნიკა გვარამიამ ფეისბუკზე დაწერა, რომ მოძრაობა 11 საათამდე იქნება გადაკეტილი.




გმირთა მოედანი ერთ-ერთი ძირითადი კვანძია სატრანსპორტო - საავტომობილო და საზოგადოებრივი ტრანსპორტის - მოძრაობისათვის.




ელენე ხოშტარიას თქმით, მომდევნო დღეების სამოქმედო გეგმას დღეს საღამოს გააცნობენ საზოგადოებას.


ზურა ჯაფარიძის თქმით, ოპოზიცია მშვიდობიან პროტესტს აგრძელებს - დეტალებს კი მოგვიანებით გააცნობენ საზოგადოებას.


25 ნოემბერს პარლამენტის პირველი სხდომაა დანიშნული. მას ოპოზიცია ბოიკოტს უცხადებს.