د تحریک انصاف مشران او پلویان د اسلام اباد پر لوري روان دي
د پاکستان تحریک انصاف (پي ټي ای) مشران او غړي په اسلام اباد کې د نومبر ۲۴مې په احتجاج کې د ګډون لپاره د هېواد له مختلفو برخو د هغه ښار پر لوري روان شوي دي. خو د پاکستان حکومت پلازمېنې ته تلونکې لارې تړلې دي. له پېښوره هم د نومبر پر ۲۴مه د ګوند د غړو او مشرانو قافلې د اسلام اباد پر لورې رهي شوې دي. د تحریک انصاف زنداني بنسټګر عمران خان د نومبر پر ۱۳مه پر خپلو غړو او پلویانو په اسلام اباد کې د احتجاج اعلان کړی وو چې موخه یې د ګوند د زنداني ملګرو خوشې کول او د ۲۶م اییني ترمیم ختمول دي. ویډیويي رپورټ.