ბერბოკი ევროკავშირში საქართველოს გაწევრიანების პროცესის ოფიციალურად შეჩერებაზე ლაპარაკობს
გერმანიის საგარეო საქმეთა მინისტრმა ანალენა ბერბოკმა გამოთქვა აზრი, შეჩერდეს საქართველოს ევროკავშირში გაწევრიანების პროცესი.
საქართველოს მმართველმა პარტია “ქართულმა ოცნებამ” ანტიევროპული შემობრუნებით ფაქტობრივად შეაჩერა გაწევრიანების პროცესი, განაცხადა მწვანეთა პარტიის წარმომადგენელმა. ამიტომ ბერბოკი მიიჩნევს, რომ ევროკავშირმა უნდა განიხილოს ამ პროცესის ოფიციალურად შეჩერების საკითხი.
ბერბოკი აცხადებს, რომ ასევე ძლიერ დაზარალდა საქართველოს და გერმანიის ათწლეულების განმავლობაში განვითარებული ურთიერთობა.
გერმანიის მედიის თანახმად, ბერბოკი კრიტიკას გამოთქვამს საქართველოს პრორუსული მთავრობის მიმართ, საპროტესტო გამოსვლების მონაწილეთა წინააღმდეგ შეუსაბამო ძალის გამოყენების გამო.
მას მერე, რაც საქართველოს მთავრობამ ნოემბერში გამოაცხადა, რომ 2028 წლის ბოლომდე დღის წესრიგში არ დააყენებს ევროკავშირში გასაწევრიანებლად მოლაპარაკების გახსნის საკითხს, საქართველოს ქალაქებში არ წყდება პროევროპული გამოსვლები - დემონსტრაციები, რომელთა დროს პოლიცია იყენებს გადამეტებულ ძალას და ათობით დემონსტრანტია დაკავებული.