Журналистер күні қарсаңындағы Ақорданың марапаты мен сөз еркіндігінің шынайы ахуалы

Қазақстан президенті Қасым-Жомарт Тоқаев 28 маусым – Бұқаралық ақпарат құралдары қызметкерлерінің мерекесі қарсаңында, әдеттегідей, бір топ журналисті марапаттады. Ол сыйлық алуға келген тілшілерді "мемлекет саясатын елге түсіндіретін, қоғам мен билік арасындағы көпір" деп атады. Ақорда мемлекеттік медиа мен үкіметті ашық сынамайтын тілшілерді сый-сияпатқа бөлеп жатқанда, биліктен құқай көрдім деген журналист елден кететінін айтты.