Педрининг тикланиш муддати маълум бўлди

Барселона ярим ҳимоячиси Педри сонидан жароҳат олиб, жамоанинг яқин орадаги учрашувларини ўтказиб юборади. Каталония клуби 22 ёшли футболчининг жароҳати ҳақида хабар берган бўлса-да, унинг тикланиш муддати ҳақида расмий маълумот бермади.

Испаниянинг нашрлари, жумладан AS газетасининг хабарига кўра, Педри уч ҳафта майдонга туша олмайди. У ноябрь ойидаги терма жамоалар ўйинлари учун танаффусдан сўнг қайтиши кутилмоқда.

Танаффусга қадар Барселона учта ўйин ўтказади: Элче (2-ноябрь, Ла Лига), Брюгге (5-ноябрь, Чемпионлар Лигаси) ва Сельта (9-ноябрь, Ла Лига). Ҳозирда Барселона Испания чемпионати жадвалида иккинчи ўринда бормоқда.

Реал эса ўн турдан сўнг Барселонадан беш очко кўп тўплаган.