Zamin.uz (sport)

Осиё кубоги–2026 финал босқичи олдидан жиддий тайёргарлик олиб бораётган Ўзбекистон миллий футзал терма жамоаси навбатдаги назорат учрашувида Кувайт термасига қарши майдонга тушди.

Мадриднинг «Реал» жамоаси ҳимоячиси Трент Александр-Арнолд яқин вақтларда клубдан бошқа манзилга йўл олиши эҳтимоли бор. Бу ҳақда The Telegraph нашри маълум қилди.

Туркияда ўқув-йиғин машғулотларини давом эттираётган «Нефтчи» навбатдаги назорат беллашувида майдонга тушди. Фарғоналиклар йиғин давридаги иккинчи синов учрашувини Словениянинг «Алюминий» клубига қарши ўтказиб, мухлисларни қувонтирган натижа қайд этди — «чинорлар» 2:1 ҳисобида ғалаба қозонди.

Европа Конференциялар лигасининг 2025/2026 йилги мавсумида плей-офф босқичи учун қуръа ташлаш маросими бўлиб ўтди. Энди мусобақа қизиқ нуқтага кириб келяпти: ҳар бир жамоа учун хатога жой кам, чунки плей-офф — “ё ўтасан, ё қайтасан” деган босқич.

U-23 Осиё Кубоги чорак финал баҳсларидан яна бири — Япония ва Иордания ўртасидаги тўқнашув ҳам ўз интиқлик даражасини охиригача ушлаб турди. Асосий вақтда ҳам, қўшимча таймларда ҳам ғолиб аниқланмади — жамоалар 1:1 ҳисобида дуранг қайд этишди. Охир-оқибат, тақдирни пенальтилар серияси ҳал қилди ва бу “лотерея”да омад “самурайлар” томонида бўлди.

“Манчестер Сити” қишки трансфер бозорида яна бир муҳим қадам ташлади — “Кристал Пэлас”нинг марказий ҳимоячиси Марк Гехини ўз сафига қўшиб олди.

Термиз клуби янги легионер билан таркибини мустаҳкамлаётганини расман маълум қилди. Клуб ахборот хизмати тарқатган хабарга кўра, жамоа сафига Нигериялик ҳужумчи Стивен Чинеду келиб қўшилди.

Қаршининг “Насаф” клуби жамоа бош мураббийи Рўзиқул Бердиев билан ҳамкорликни давом эттиришга қарор қилди. ЎзПФЛ тарқатган маълумотга кўра, мутахассис билан амалдаги битим узайтирилган ва янги шартнома 2026 йилнинг якунига қадар мўлжалланган.

Мадриднинг “Реал” жамоаси Испания Кубогида кутилмаган тарзда барвақт тўхтади. “Қироллик клуби” 1/8 финалда “Альбасете”га 2:3 ҳисобида мағлуб бўлиб, мусобақа билан эрта хайрлашди. Бу натижа нафақат мухлисларни, балки Испания ОАВини ҳам қаттиқ “портлатди”.

Туркия чемпионатининг янги мавсумига муҳр босган қаҳрамонлар орасида Элдор Шомуродов алоҳида тилга олинади. Ёзда “Рома”дан “Истанбул Башакшеҳир”га йўл олган 30 ёшли ҳужумчи Суперлиганинг биринчи даврасидаёқ ўзининг қанчалик катта иштиёқ ва масъулият билан келганини исботлади. 17 та ўйин — 12 та гол! Бу кўрсаткич уни тўпурарлар пойгасида пешқадамга айлантириб турибди.

INEOS ва сэр Жим Рэтклифф “Манчестер Юнайтед”нинг спорт йўналишидаги бошқарувини қўлига олганига қарамай, клубнинг асосий акция пакети ҳали-ҳамон Жоэл ва Аврам Глейзерлар назоратида қолмоқда. Шу сабаб, клуб атрофидаги ҳар қандай ҳаракат мухлислар эътиборини тортади — айниқса, дерби арафасида.

U-23 Осиё кубоги чорак финал баҳслари арафасида матбуот анжумани бўлиб ўтди. Унда Ўзбекистон ёшлар терма жамоаси бош мураббийи Равшан Ҳайдаров ҳамда футболчимиз Сардорбек Баҳромов қатнашиб, Хитойга қарши ўтадиган ҳал қилувчи тўқнашув олдидан кайфият ва тайёргарлик жараёни ҳақида фикр билдирди.

Саудия Арабистони яшил майдонларида давом этаётган U-23 Осиё кубоги мусобақаси энди энг қизиқ, энг ҳал қилувчи босқичига кирди. Гуруҳ баҳслари ўз якунига етди: 16 терма жамоадан 8 таси мусобақа билан хайрлашди, яна 8 жамоа эса чорак финалда орзуси учун курашни давом эттиради. Гуруҳларда 1 ва 2-ўринни эгаллаган термалар эндиликда плей-оффда майдонга чиқиб, ҳар бир хатонинг нархи оғир бўладиган ўйинларга тайёргарлик кўряпти.

«Манчестер Сити»нинг ҳужумкор яримҳимоячиси Фил Фоден бош мураббий Хосеп Гвардиоланинг жорий мавсумдаги иш услуби ва жамоадаги ўзгаришлар ҳақида ўз фикрларини билдирди. Англиялик футболчига кўра, ўтган мавсумдаги омадсизликлардан кейин “шаҳарликлар” яна ўз йўлига тушиб олди ва бу жараёнда Гвардиоланинг роли ҳал қилувчи бўлмоқда.

Мадриднинг “Реал” клуби атрофида янги трансфер миш-мишлари кучаймоқда. Хабарларга кўра, бир қатор агентлар “Арсенал”нинг тезкор ва ўткир қанот ҳужумчиси Габриэл Мартинеллини “қаймоқранглилар” раҳбариятига фаол тарзда таклиф қилмоқда.

Европа футбол ассоциациялари иттифоқи (УЕФА) 2024/25 йилги мавсум ҳисоботида доллар курсининг тушиши ташкилотга катта молиявий зарар келтирганини маълум қилди. Ушбу иқтисодий ва геосиёсий ўзгаришлар натижасида УЕФА қарийб 50 миллион евро йўқотган.

Лондоннинг “Челси” жамоасида сўнгги кунларда нохуш ҳолат кузатилмоқда — клуб ичида шамоллашга ўхшаш вирусли касаллик “айланиб” юргани айтилди. Бу ҳақда “кўклар” бош мураббийи Лиам Росеньор очиқ маълум қилди ва вазият жамоа тайёргарлигига жиддий таъсир ўтказаётганини яширмади.

Испаниянинг энг нуфузли ва энг талабчан клуби ҳисобланган Мадриднинг “Реал” жамоасида мамлакат кубоги 1/8 финалида “Альбасете”дан 2:3 ҳисобида мағлуб бўлинганидан кейин жиддий норозилик кайфияти пайдо бўлди. Бу мағлубият “қироллик клуби” учун оддий натижа эмас — у ҳозирча мавсумнинг энг оғир ва энг оғриқли нуқтаси сифатида қабул қилинмоқда.

Англия Премьер-лигасида чемпионлик пойгасида олдин сафда кетаётган “Манчестер Сити” таркибни янада қувватлантириш масаласини биринчи ўринга қўйди. “Шаҳарликлар” бу сафар айниқса ҳимоя чизиғидаги энг оғриқли нуқталардан бири — ўнг қанот масаласини ҳал қилишга жиддий киришгани айтилмоқда.

“Андижон” клуби кеча расман янги мавсум олдидан муҳим трансферларидан бирини тасдиқлади — тажрибали ҳужумчи Мартин Боаке билан шартнома имзолангани эълон қилинди. “Бургутлар” яна бир бор ўз мухлисларига яхши таниш футболчини қайтариб, ҳужум чизиғида рақобат ва вариантларни кўпайтиришни мақсад қилгани кўринмоқда.

Мадриднинг “Реал” клуби собиқ бош мураббийи Зинедин Зидан “қироллик клуби”да мураббий бўлиб ишлаш қанчалик ўзига хос экани, бу ерда қандай принциплар ҳақиқий натижа беришини тушунтириб берди. Франциялик мутахассиснинг таъкидлашича, “Реал”да муваффақиятга олиб борадиган энг асосий йўл — футболчиларни биринчи ўринга қўйиш, улар билан бир танада яшаш ва жамоага ғояни мажбурлаб эмас, ишонтириб сингдиришдир.

“Манчестер Сити”да ҳимоя чизиғида кадрлар танқислиги кескинлашган паллада Абдуқодир Ҳусанов Хосеп Гвардиоланинг ҳақиқий таянчига айланмоқда. Тиғиз тақвим, ўйинлар орасидаги қисқа танаффус, бир вақтнинг ўзида АПЛ, мамлакат кубоги ва Карабао кубогида юриш — бундай шароитда ҳар бир барқарор футболчи олтинга тенг. 21 ёшли легионеримиз эса айнан шу даврда “шаҳарликлар”нинг ижобий натижаларига салмоқли ҳисса қўшиб келяпти.

АПЛнинг 22-турида “Манчестер Сити” ўз майдонидаги энг катта имтиҳонлардан бирига тайёргарлик кўряпти — рақиб “Манчестер Юнайтед”. Дерби олдидан “шаҳарликлар” ҳимоячиси Макс Аллейн жамоа кайфияти, илк дерби тажрибаси ва ўзбекистонлик легионер Абдуқодир Ҳусанов билан муносабатлари ҳақида фикр билдирди.

Айни пайтда “Лион” сафида ижара асосида ўйнаётган “Реал” ҳужумчиси Эндрик “қироллик клуби”даги қисқа, аммо мазмунли даври ва Хаби Алонсо билан ишлаган тажрибаси ҳақида гапирди. Бразилиялик ёш форварднинг таъкидлашича, Алонсо жамоадан кетган бўлса-да, у Мадридда айнан шу мутахассисдан кўп фойдали билим олган.

Мадриднинг “Реал” клубида ёш истеъдодлар масаласи яна кун тартибига чиқди. Манбаларга кўра, “қироллик клуби” Арда Гюлер ҳамда Франко Мастонтуононинг сўнгги ўйинлари ва умумий ҳолатидан тўлиқ қониқмаяпти. Жамоа ичида икки футболчининг ривожланиш суръати, майдондаги таъсири ва барқарорлиги синчиклаб кузатилмоқда.