Роналду: "Фергюсон доим юрагимда қолади"

“Ал-Наср” ҳужумчиси Криштиану Роналду ўз вақтида "Манчестер Юнайтед" жамоасида бирга ишлаган Алекс Фергюсон ҳақида фикр билдирди. "Алекс Фергюсон билан ҳали ҳам мулоқотдасанми?" деган саволга Роналду шундай жавоб берди: "Мен уни Манчестерда бўлиб ўтган Чемпионлар Лигаси финалида кўрдим.

Олдинроқ биз кўпроқ мулоқот қилардик – у ҳатто мен билан чой ичгани уйга келган. У чойни сут билан ичади.

У жуда яхши инсон. Фергюсон ҳар доим менинг юрагимда қолади.

У менга ҳаётимда ҳам, фаолиятимда ҳам катта ёрдам берган”, – деди Роналду Пирс Морган билан суҳбатда. Маълумот учун, сер Алекс Фергюсон 2013 йилда нафақага чиққан.

Шотландиялик мутахассис "Манчестер Юнайтед" жамоасида қарийб 27 йил давомида фаолият олиб борган.