Крауч: "Ливерпул ҳужум ҳам, ҳимоя ҳам қилмади"

Собиқ таниқли футболчи Питер Крауч Чемпионлар Лигаси гуруҳ босқичининг 5-турида "Ливерпул"нинг "ПСВ"га қарши ўйинда 1:4 ҳисобида ютқазишини изоҳлади. "Бу умуман уларга ўхшамади.

Улар ҳужумга ўтмади, ҳимояга қайтмади. Бунинг учун Салоҳни айблаш мумкин, лекин менимча, ҳозир "Ливерпул"нинг бирорта футболчиси яхши ўйнадим деб айта олмайди", – деди Крауч Paddy Powerга берган интервьюсида.

Сўнгги 12 ўйинда "Ливерпул" барча мусобақаларда атиги учта ғалаба қозониб, тўққизта ўйинда мағлубиятга учради. Чемпионлар Лигаси турнир жадвалида "қизиллар" 9 очко билан 13-ўринни эгаллаб турибди.

Эртага, 30-ноябр куни, "Ливерпул" АПЛнинг 13-турида сафарда "Вест Хэм"га қарши майдонга тушади.