Реал Мадрид Мбаппега қаттиқ боғлиқми?
Мадриднинг "Реал" клуби собиқ футболчиси Хорхе Валдано жамоанинг ҳозирги мавсумда Килиан Мбаппега ҳаддан ташқари боғлиқ эканлигини таъкидлади. 26 ёшли ҳужумчи Ла Лига доирасидаги якшанба кунги "Жирона"га қарши ўйинда (1:1) ягона голни пенальтидан киритди ва шу тариқа, Испания чемпионати тўпурарлари пойгасида етакчилигини мустаҳкамлади.
"Реал" жамоаси ўзига савол бериши керак: "Мбаппесиз жамоа ҳозир қаерда бўларди?" – дея Валданонинг сўзларини келтиради Madrid Universal. Килиан Мбаппе Хаби Алонсонинг бош мураббийлиги остидаги жамоада жорий мавсумда 19 ўйинда 23 та гол уриб, 3 та голли узатма амалга оширди.