Барселона Рафиньянинг ўрнига номзод топди
Манчестер Сити жамоасининг ёш вингери Савио Барселона эътиборига тушди. Каталония клуби спорт директори Деку 21 ёшли футболчини Рафинья Диасга муносиб ворис сифатида кўрмоқда.
Рафиньянинг келаси йил жамоани тарк этиши эҳтимоли юқори, сабаби унга Саудия Арабистони клубларидан қизиқиш мавжуд. Барселона молиявий қийинчиликларни бошдан кечирмоқда ва жамоа фойдали таклифларни қабул қилиши эҳтимолдан холи эмас.
Манчестер Сити сафида Савио доимий равишда асосий таркибда ўйнамайди, бу эса унинг кетиши ҳақидаги миш-мишларни кучайтирган. Трансфермаркт портали маълумотига кўра, ёш бразилиялик футболчининг нархи 50 миллион еврога тенг.