«Тарихдаги энг зўри»: Тер Штеген Бускетс билан хайрлашди
Барселона дарвозабони Марк-Андре тер Штеген Серхио Бускетснинг футболчилик фаолиятини якунлаганига муносабат билдирди. МЛС плей-офф финалида "Интер Майами" "Ванкувер Уайткапс"ни 3:1 ҳисобида мағлубиятга учратган ўйин испаниялик ярим ҳимоячининг 37 ёшдаги футболчилик фаолиятидаги охирги ўйини бўлди.
Бир неча ой аввал Бускетс мавсум якунларида бутсаларини михга илишини эълон қилган эди. "Ажойиб фаолиятинг билан табриклайман, Буси.
Сенинг яна бир соврин билан майдондан кетишингни кўриш жуда ёқимли. Барселона ва футбол афсонаси, ўз позициясида тарихдаги энг яхшилардан бири.
Сен билан бир жамоада ўйнаш мен учун катта қувонч бўлди. Янги бобингда омад тилайман", – дея тер Штеген ўзининг ижтимоий тармоқдаги саҳифасида ёзиб қолдирди.
Серхио Бускетс 2008 йилдан 2023 йилгача Барселонанинг асосий жамоасида ўйнаган, сўнгра фаолиятини "Интер Майами"да давом эттирди.