АПЛда «Арсенал» пешқадамликка қайтди, «Ливерпул» ғалаба қилди

Англия Премер-лигасининг 18-тури бир қатор қизиқарли ва кутилган натижалар билан якунланди. Тур доирасидаги марказий баҳслар чемпионлик кураши ҳамда жадвал қуйи қисмидаги вазиятга жиддий таъсир кўрсатди.

Лондонда бўлиб ўтган баҳсда "Арсенал" ўз майдонида "Брайтон"ни қабул қилди. Устунликка эришган «канонирлар» 2:1 ҳисобида ғалаба қозониб, 42 очко билан турнир жадвалида яна биринчи поғонага кўтарилди. Учрашувда Мартин Эдегор эрта гол билан ҳисобни очди, иккинчи тўп эса рақиб футболчисининг автоголи сифатида қайд этилди. «Брайтон» қаршилик кўрсатган бўлса-да, учрашув тақдирини ўзгартириб қўя олмади.

Арсенал – Брайтон 2:1
Голлар: Эдегор 14, Рюттер 52 автогол – Гомес 52
Арсенал – Райя, Салиба, Инапкие, Калафиори, Субименди, Райс, Мерино, Эдегор, Сака, Троссар, Гокереш.
Брайтон – Вербрюгген, Данк, ван Ҳеске, Груда, Жоржинио, Ҳиншелвуд, Кадиўғли, Гомес, Аяри, де Кюпер, Коппола.

Турнинг яна бир эътиборли ўйинида "Ливерпул" ўз майдонида жадвал аутсайдери — "Вулверҳэмптон"ни 2:1 ҳисобида мағлуб этди. Мерсисайдликлар сафида Флориан Виртц ўзининг «Ливерпул» либосидаги илк голини уриб, мухлислар олқишига сазовор бўлди. Ушбу ғалабадан кейин «қизиллар» 32 очко билан тўртинчи ўринни эгаллаб турибди.

Ливерпул – Вулверҳэмптон 2:1
Голлар: Гравенберҳ 41, Виртц 42 – Буэно 51
Ливерпул – Алиссон, Ван Дейк, Фримпонг, Конате, Керкез, Виртц, Макаллистер, Киеза, Жонс, Экитике, Гравенберҳ
Вулверҳэмтон – Са, Доҳерти, Москера, Буэно, Крейчи, Х. Буэно, Андре, Гомес, Мане, Арокодаре, Ҳванг.

Қолган учрашувларда эса кескин кураш кузатилди. "Вест Ҳэм" ўз майдонида "Фулҳэм"га 0:1 ҳисобида мағлуб бўлди. Ягона гол ўйин сўнгги дақиқаларида урилди.

Вест Ҳэм – Фулҳэм 0:1

Гол: Хименес 85

"Бёрнли" ҳамда "Эвертон" ўртасидаги баҳс эса голларсиз дуранг билан якунланди.

Шу тариқа, 18-тур Англия чемпионатидаги рақобат нақадар шиддатли эканини яна бир бор исботлади. Пешқадамлик учун кураш ҳам, қуйи поғоналарда омон қолиш жанги ҳам ҳар бир ўйинда янада қизиб бормоқда.