Гуранко Ганчаренкани Беларусь учун кучли мураббий деб баҳолади

Беларус футболининг собиқ юлдузи Сергей Гуранко миллий терма жамоага янги бош мураббий тайинлангани юзасидан фикр билдирди. Бу ҳақда euro-football.ru хабар беради.

6-январ куни Беларусь терма жамоасини энди Виктор Ганчаренко бошқариши расман маълум бўлди.

Гуранконинг таъкидлашича, Ганчаренко топ-клубларда ишлаган тажрибага эга кучли мутахассис бўлиб, Беларусьни 2028 йилги Европа чемпионатига олиб чиқишга уриниб кўради.

Шунингдек, у Ганчаренко Беларусь футболининг ўзига хос жиҳатларини яхши билишини ҳам қўшимча қилди.

Эслатиб ўтамиз, 48 ёшли мутахассис аввалроқ «Урал», «Пари НН», «Краснодар», ЦСКА, «Уфа» ва бошқа клубларда бош мураббий бўлиб ишлаган.