Слуцкий жамоаси Осиё Чемпионлар Лигасида яна ютқазди
Леонид Слуцкий бошқарувидаги "Шанхай Шэньхуа" Осиё Чемпионлар Лигасида навбатдаги учрашувни ҳам очкосиз якунлади. Хитой клуби умумий босқичнинг 6-турида сафарда "Санфречче Хиросима"га 0:1 ҳисобида имкониятни бой берди. Бу ҳақда euro-football.ru хабар беради.
Баҳс тақдирини 78-дақиқада мезбонлар ҳал қилди: ҳимоячи Хаято Араки аниқ зарба билан ҳисобни очди. Бу мағлубият "Шанхай Шэньхуа" учун турнирдаги кетма-кет учинчи омадсиз натижа бўлди.
Олти турдан кейин Слуцкий жамоаси ҳисобида 4 очко бор ва у турнир жадвалида 11-ўринда бормоқда. "Хиросима" эса 11 очко билан кучли учликдан жой олган.