«Интер» «Динамо»дан ёш ҳимоячи Леон Якировични сотиб олди
18 ёшли хорватиялик ҳимоячи Леон Якирович Загребнинг «Динамо» клубидан Италия чемпионатига йўл олди. Истиқболли футболчи энди Миланнинг «Интер» жамоаси сафида тўп суради, бу ҳақда клуб матбуот хизмати хабар берди. Бу ҳақда euro-football.ru хабар беради.
Якирович «нерадзуррилар» билан 2030 йилгача мўлжалланган узоқ муддатли шартнома имзолади. Transfermarkt маълумотига кўра, битим қиймати 2,5 миллион еврога баҳоланмоқда. Янги футболчи дастлаб «Интер»нинг ёшлар жамоасида майдонга тушади.
«Интер» А Сериянинг жорий мавсумида пешқадамлик қилмоқда. 22 турдан кейин Милан клуби 52 очко жамғарган ва энг яқин таъқибчисини беш очкога ортда қолдирмоқда.