Аргентина клуби «Килмес» стадионни янгилашга мухлисларни чақирди
Аргентина футболининг энг қадимий жамоаларидан бири — 1887 йилда ташкил топган «Килмес» ҳозир мураккаб даврни бошдан кечирмоқда. Клуб раҳбарияти вазиятни енгиллаштириш ва инфратузилмани яхшилаш учун ўз мухлисларидан ёрдам сўради. Бу ҳақда euro-football.ru хабар беради.
Гап одатдагидек молиявий хайрия ҳақида эмас. «Килмес» стадионни қайта қуриш ишларини бошлаб юбормоқда ва бунинг учун ишқибозларни бевосита стадионга келиб, жисмоний меҳнат орқали турли вазифаларни бажаришга таклиф қилди.
Жанубий яримшарда жазирама ёз ҳукм сураётганига қарамай, мухлислар клуб чақириқини илиқ қабул қилди ва ташаббусга фаол қўшилди.