Роналдунинг зал машғулотида қизи ҳам қатнашди

Жоржина Родригес — Криштиану Роналдунинг жуфти — ижтимоий тармоқларда янги сурат улашди. Унда португалиялик ҳужумчи спорт залида гантел кўтараётгани акс этган. Бу ҳақда euro-football.ru хабар беради.

Кадрда 41 ёшли футболчининг ёнида қизларидан бири ҳам бор: у ҳам машқ қилмоқда, қўлида эса пушти рангдаги кичик гантеллар.

Суратга Жоржина қисқа изоҳ қолдирди: «Дада».

Аввалроқ Родригес Роналдуни туғилган куни билан табриклаган, бироқ пост футболчи 41 ёшга тўлган санадан бир кун ўтиб эълон қилингани ҳам эътибор тортганди.

Эслатиб ўтамиз, Роналду «Ал-Наср»нинг сўнгги бир нечта учрашувларини ўтказиб юборди. Матбуотда эса у клуб бошқарувидан норози бўлгани сабаб ўйинларни бойкот қилаётгани ҳақида хабарлар тарқалганди.