«Милан» «Пиза» сафарида қийин ғалабани қўлга киритди

Серия Анинг 25-турида «Милан» сафарда «Пиза»га қарши мураккаб ва кескин кечган баҳсда ғалабани зўрға илиб кетди. Бу ҳақда euro-football.ru хабар беради.

Учрашувнинг илк бўлимида мезбонлар Филип Стоилковичнинг офсайддан йўллаган зарбаси билан хавф туғдирди, бироқ дарвозабон вазиятни қутқарди. 39-дақиқада Закари Атеканеменинг ўнг қанотдан узатган аниқ пасидан сўнг Рубен Лофтус-Чик бош билан ҳисобни очди — 0:1.

Иккинчи тайм бошида «Милан» яна гол урди: Никлас Фюллкругнинг пасидан кейин Адриен Рабйо дарвозани ишғол қилди, аммо эпизодда қўл билан ўйнаш қайд этилиб, гол бекор қилинди. Кўп ўтмай Фюллкруг пенальтидан ҳам фойдалана олмади — тўп устунга тегиб майдонни тарк этди.

71-дақиқада «Пиза» ҳисобни тенглаштирди: Стоилковичнинг чап қанотдан узатмаси пайтида курашда тўп Страхиня Павловичдан қайтиб Фелипе Лойолага тушди ва у аниқ зарба билан ўнг бурчакни нишонга олди — 1:1.

Ўйин якунига яқин «Милан» ҳал қилувчи зарбани берди. 85-дақиқада Лука Модрич ҳужумни бошлаб, жарима майдони марказига Самуэле Риччига узатма берди, Риччи йиқилган ҳолда тўпни яна Модричга қайтарди. Лука эса жарима майдони ичида марказга силжиб, оёқ ташқи томони билан тўпни ўнг бурчакка жойлади — 1:2.

90-дақиқада Адриен Рабйо ҳакам билан тортишиб қолгани учун қисқа фурсатда иккинчи сариқ карточкани ҳам олди ва майдондан четлатилди.

Ушбу ғалабадан сўнг «Милан» турнир жадвалида пешқадамдан беш очко ортда қолмоқда, «Пиза» эса сўнгги ўрин атрофидаги курашда қолмоқда.