Саудия футболида фожеа: «Ал-Қадисия» 16 ёшли ҳимоячисини йўқотди
Саудия футболидан қайғули хабар: «Ал-Қадисия» жамоаси сафида тўп сурган 16 ёшли ҳимоячи Турки Ал-Саид вафот этди. Бу ҳақда Саудия Арабистони футбол федерацияси расмий баёнот ва некролог орқали маълум қилди. Бу ҳақда euro-football.ru хабар беради.
«Ал-Қадисия» Саудия Арабистони иккинчи кучли лигасида иштирок этади ва ҳозирда турнир жадвалида тўртинчи ўринда бормоқда. Жамоа таркибида италиялик Матео Ретеги ҳам бор — у аввалроқ «Аталанта» шарафини ҳимоя қилган.
Ёш футболчининг ўлимига нима сабаб бўлгани ҳозирча расмий равишда очиқланмади. Бироқ норасмий маълумотларга кўра, фожеа йўл-транспорт ҳодисаси оқибатида юз берган.