«Бока Хуниорс» клубида янги спорт директори иш бошлади
Аргентина гранди «Бока Хуниорс» спорт директори лавозимига янги номзодни тасдиқлади — энди бу вазифани Марсело Делгадо бажаради. Клуб раҳбарияти Делгадонинг ишини президент Хуан Рикельме билан бевосита ҳамкорликда олиб боришини маълум қилди. Бу ҳақда euro-football.ru хабар беради.
«Бока Хуниорс» таркибни тез фурсатда кучайтиришга муҳтож. Шу сабабли Делгадо ва Рикельме тандеми яқин даврда трансферлар бўйича фаол ишлаши, жамоани рақобатбардош ҳолатга келтириш устида бош қотириши кутилмоқда.
Марсело Делгадо футболчилик фаолиятида ҳам танилган: у Аргентина терма жамоаси сафида 1995–2002 йилларда 18 та ўйин ўтказган ва 1998 йилги жаҳон чемпионатида ҳам иштирок этган. 2003 йилда эса Либертадорес кубогида «Сантос» ҳужумчиси Рикардо Оливейра билан бирга мусобақанинг энг сермаҳсул тўпурари бўлганди.