Галатасарайда маошлар бўйича жиддий муаммолар юзага келди
Коньяспор билан кутилмаган мағлубиятдан сўнг Галатасарай ичида муаммо борлиги ҳақидаги гаплар кучайди. TR24 портали хабарига кўра, жамоа футболчилари маошларини ололмаяпти. Бу ҳақда euro-football.ru хабар беради.
Манбага ишонилса, ушбу ҳолат кетма-кет уч ойдан бери давом этмоқда. Клубнинг расмийлари эса вазият бўйича изоҳ беришдан тийилаётгани ОАВ ва мухлислар орасидаги қизиқишни янада оширмоқда.
Маҳаллий журналист Ҳалик Юрекли сўнгги воқеалар фонида Галатасарайнинг чемпионлик имкониятлари жиддий шубҳа остида қолаётганини таъкидлади.
Шунга қарамай, клуб чемпионатда 55 очко билан пешқадам бўлиб турибди. Бироқ 52 очкога эга ва битта ўйини захирада бўлган Фенербахче етиб олиш имконига эга.