Месси бир пайтлар Испания термасида ўйнаши ҳам мумкин эди
"Интер Майами" ҳужумчиси Лионел Месси миллий жамоа даражасида Аргентина эмас, Испания терма жамоаси шарафини ҳимоя қилиш эҳтимоли бўлганини айтиб ўтди. Бу ҳақда euro-football.ru хабар беради.
Мессининг сўзларига кўра, у "Барселона"да тўп сура бошлаган даврда Испания термасига ўтиш варианти кун тартибига чиққан. Футболчига бу йўлда таклифлар бўлганини, бундай ҳолат кўплаб ўйинчилар билан ҳам учрашини эслатишганини таъкидлади. Бироқ Месси танловда иккиланмаганини айтиб, юраги доимо Аргентина томонида бўлганини қўшимча қилди.
Эслатиб ўтамиз, Лионел Месси 2022 йилда Аргентина терма жамоаси сафида жаҳон чемпионлигини қўлга киритган.