«Галатасарай»да маошлар кечикмоқда, клуб ичида таранглик кучайди
«Коньяспор» билан учрашувдаги кутилмаган мағлубиятдан сўнг «Галатасарай»да ички муаммолар борлиги ҳақида хабарлар тарқалди. TR24 портали маълумотига кўра, жамоа футболчилари маошларини ололмаяпти. Бу ҳақда euro-football.ru хабар беради.
Манбага кўра, бу ҳолат кетма-кет учинчи ой давом этмоқда. Клубнинг расмий вакиллари эса вазият юзасидан изоҳ беришдан тийилмоқда, бу эса мухлислар ва ОАВ қизиқишини янада оширмоқда.
Маҳаллий журналист Ҳалик Юрекли сўнгги воқеалар фонида «Галатасарай»нинг чемпионлик имкониятлари анча шубҳа остида қолаётганини таъкидлади.
Шунга қарамай, жамоа чемпионатда 55 очко билан пешқадам. Бироқ 52 очкога эга ва бир ўйини заҳирада қолган «Фенербахче» яқин орада уларга етиб олиши мумкин.