«Ал-Ҳилол» натижалари фонида Индзаги истеъфоси ҳақида гаплар кучайди
Саудия Арабистони чемпионатида «Ал-Ҳилол» ҳануз мағлубиятсиз ҳаракат қилмоқда, бироқ сўнгги турдаги кетма-кет дуранглар жамоани турнир жадвалида учинчи поғонага тушириб юборди. La Repubblica хабарига кўра, шу фонда Симоне Индзагининг бош мураббийликдан кетиши эҳтимоли муҳокама қилинмоқда ва клуб мухлисларининг бир қисми италиялик мутахассисга қарши чиқмоқда. Бу ҳақда euro-football.ru хабар беради.
Шунга қарамай, Индзаги вазиятга хотиржам қараяпти: унинг амалдаги шартномаси 2027 йил ўрталаригача мўлжалланган ва муддатидан олдин бекор қилинса, катта миқдорда компенсация тўланиши кўзда тутилган.
Қайд этилишича, Симоне Индзаги маош борасида дунёдаги энг юқори ҳақ оладиган мураббийлар орасида иккинчи ўринда туради — ундан фақат Диего Симеоне олдинда. Индзагининг йиллик маоши 26 миллион еврoни ташкил этади.