Роналду пенальтини уролмаган бўлса-да, ғалабани нишонлади

"Ал-Наср" ҳужумчиси Криштиану Роналду Саудия Арабистони чемпионатида "Ал-Фейҳа" устидан 3:1 ҳисобидаги ғалабадан сўнг ижтимоий тармоқларда пост қолдирди. Бу ҳақда euro-football.ru хабар беради.

41 ёшли португалиялик юлдуз учрашув бошида ҳисобни очиш имконига эга эди, аммо пенальти зарбасини аниқ амалга ошира олмади. Роналду бу ўйинда гол ура олмади ва 81-дақиқада майдонни тарк этиб, алмаштирилди.

Баҳс якунида у: "Бирга ўсишда давом этамиз! Муҳим ғалаба!" — дея ёзди.

24 турдан кейин "Ал-Наср" 61 очко билан Саудия лигаси жадвалида етакчилик қилмоқда. Иккинчи ўринда "Ал-Аҳли" (59), учинчи поғонада эса "Ал-Ҳилол" (58) бормоқда.