Қатарда хавфсизлик сабаб барча футбол баҳслари тўхтатилди
Қатар футбол ассосиаицияси мамлакат бўйлаб барча футбол ўйинлари ва мусобақалари вақтинча тўхтатилганини маълум қилди. Қайта бошланиш санаси ҳозирча эълон қилинмади — турнирлар кейинги хабаргача паузада. Бу ҳақда euro-football.ru хабар беради.
Вазият фонида март ойи охирида Қатар майдонларида ўтиши керак бўлган Finalissima ҳам кўчирилиши мумкин. Унда Аргентина ва Испания терма жамоалари соврин учун баҳс олиб бориши керак эди.
Эслатиб ўтамиз, АҚШ аввалроқ Эронга қарши ҳарбий амалиёт бошланганини билдирган. Можаро бир қатор мамлакатларга, жумладан Қатар ҳудудига ҳам таъсир қилгани айтилмоқда. Минтақада хавф юқори бўлгани учун футбол учрашувларини ўтказиш имконсиз.
Ёзда эса жаҳон чемпионатига АҚШ, Канада ва Мексика мезбонлик қилади. Умид шуки, ўша пайтга келиб глобал вазият барқарорлашиб, спорт тадбирлари хавфсиз муҳитда ўтади.