Қазақстанда мектеп оқушыларының саны бойынша рекорд тіркелді
Қазақстандағы оқушылардың жалпы саны кейінгі ширек ғасырдағы тарихи максимумға жетіп, 3,9 миллион адам болды, деп хабарлайды Tengri Edu.
Мәліметтерді Ұлттық статистика бюросының баспасөз қызметі жариялады.
"Оқушылардың ең көп саны Түркістан мен Алматы облыстарында, сондай-ақ Алматыда тіркелген", - деп атап өтті Бюро өкілдері.
215 мың оқушы 11-сыныпты тәмамдады
Оқу-ағарту министрлігінің мәліметінше, 2025–2026 оқу жылын 3,9 миллионнан астам оқушы аяқтап отыр. Сыныптар бойынша оқушылар саны келесідей бөлінді.
Қазақстан мектептерінде бірінші сыныпты 389 мыңнан астам бала оқыды. Екінші сыныпта 392 мыңнан астам, ал үшінші сыныпта 404 мыңнан астам оқушы тіркелді. Төртінші сыныпты 391 мыңға жуық оқушы бітірді.
Орта буындағы жағдай былай қалыптасты: бесінші сыныпта 373 мыңнан астам бала, алтыншы сыныпта 401 мыңнан астам, ал жетінші сыныпта 386 мыңға жуық жасөспірім оқыды. Сегізінші сыныпқа 354 мыңнан астам оқушы барса, тоғызыншы сыныпты 364 мыңнан астам түлек аяқтады.
Сонымен қатар оныншы сыныпта 232 мыңнан астам жоғары сынып оқушысы білім алды, ал он бірінші сыныпты 215 мыңнан астам түлек бітірді.
Еске сала кетейік, бұған дейін елімізде 9 және 11-сыныптар үшін 2025/2026 оқу жылындағы қорытынды аттестация өткізу тәртібі бекітілген болатын. Мәселен, 9-сынып оқушылары үшін қорытынды емтихандар 29 мамыр мен 11 маусым аралығында өтеді. Олар міндетті пәндер бойынша төрт жазбаша емтихан тапсырады.
11-сынып түлектеріне арналған мемлекеттік емтихандар 2026 жылғы 2-15 маусым аралығында өтеді. Оқушылар бес емтихан тапсырады, оның біреуі ауызша форматта өткізіледі.
Тағы оқыңыз: Мектеп бітіру кештері: министрлік ата-аналар мен директорларға ескерту жасады