Астана мен Алматыда 35 градусқа дейін аптап болады
Алдағы күндері Астана мен Алматыда ауа райы қандай болады? "Қазгидромет" мамандары болжам ұсынды, деп хабарлайды Tengrinews.kz.
Астана қаласына арналған ауа райы болжамы
17 маусымда күн райы құбылмалы болады, күндіз өткінші жаңбыр жауып, күн күркірейді деп күтіледі. Оңтүстік-шығыстан соғатын желдің жылдамдығы: түнде секундына 2–7 метр, күндіз 7–12 метр, екпіні 15 метрге дейін жетеді. Ауа температурасы түнде +16...+18 градус, күндіз +31...+33 градус болады.
18 маусым: күн райы құбылмалы, өткінші жаңбыр жауып, күн күркірейді, күндіз бұршақ жаууы мүмкін. Солтүстік-шығыстан соғатын желдің жылдамдығы 7–12 метр, күндіз екпіні секундына 15 метрге дейін жетеді. Ауа температурасы түнде +17...+19 градус, күндіз +30...+32 градус жылы болады.
19 маусым: күн райы құбылмалы, өткінші жаңбыр жауып, күн күркірейді. Солтүстік-шығыстан, шығыстан соғатын желдің жылдамдығы секундына 7–12 метр, күндіз екпіні 15 метрге дейін жетеді. Ауа температурасы түнде +18...+20 градус, күндіз +31...+33 градус болады.
Алматы қаласына арналған ауа райы болжамы
17 маусым: күн райы құбылмалы, күндіз аздап жаңбыр жауып, күн күркірейді. Оңтүстік-батыстан соғатын желдің жылдамдығы секундына 3–8 метр, күндіз екпіні 13 метрге дейін жетеді. Ауа температурасы түнде +21...+23 градус, күндіз аптап ыстық - +33...+35 градус болады деп күтілуде.
18 маусым: күн райы құбылмалы, күндіз өткінші жаңбыр жауып, күн күркірейді. Оңтүстік-батыстан соғатын желдің жылдамдығы секундына 3–8 метр, күндіз екпіні 15–18 метрге дейін жетеді. Ауа температурасы түнде +20...+22 градус, күндіз +31...+33 градус болады.
19 маусым: күн райы құбылмалы, өткінші жаңбыр жауып, күн күркірейді. Оңтүстік-батыстан соғатын желдің жылдамдығы секундына 3–8 метр, күндіз екпіні 15–18 метрге дейін жетеді. Ауа температурасы түнде +19...+21 градус, күндіз +30...+32 градус жылы болады.
Тағы оқыңыз: Қазақстанда 2026 жылдың жазы қандай болады: синоптиктер болжамы