Алматыдағы блэкаут кезінде Шымбұлақ аспалы жолында адамдар қалып қойған – видео
Алматыда жаппай жарық сөнуіне байланысты Шымбұлақ аспалы жолында келушілер қалып қойды. Tengrinews.kz оқырмандарының айтуынша, адамдар аспалы жолда бір жарым сағаттай уақыт өткізген.
Видео
Оқиға кезінде кабиналардың бірінде болған оқырман редакцияға мән-жайды айтып берді.
Куәгердің сөзінше, олар сағат 15:01-де Шымбұлақтан Медеуге қарай аспалы жолмен жолға шыққан. Жолдың ортасында кабина тоқтап қалған.
"Жолда екі рет 10-15 минутқа тоқтадық. Нәтижесінде 1,5 сағаттай жүрдік. Шыға берісте қызметкерлер бөтелкедегі су беріп, жағдайымызды және медициналық көмек қажет пе деп сұрады", – деді оқырман.
Tengrinews.kz Шымбұлақ шипажайының баспасөз қызметінен пікір сұрады. Жарияланым шыққан сәтке дейін жауап келген жоқ.
Не болды?
Бүгін сағат 14:30 шамасында Алматының бірнеше ауданының тұрғындары электр жарығының сөнгенін хабарлады. Қалада Бостандық, Наурызбай, Әуезов және Алатау аудандарындағы тұтынушылардың жарықсыз қалғаны ресми түрде расталды. Сонымен қатар Алматы облысының бірнеше ауданы жарықсыз қалды.
Алдын ала мәліметтер бойынша, Алматыда жаппай жарықтың сөнуіне "KEGOC" АҚ-на тиесілі 500 кВ магистральдық электр желілерінің апаттық жағдайда ажырауы себеп болған.
Қалада байланыс нашарлап, жол қозғалысы қиындады, бағдаршамдар жұмыс істемей тұр. "Алатау Жарық Компаниясы" АҚ қазіргі уақытта мамандар электр қуатын қалпына келтіру бойынша қажетті жұмыстарды жүргізіп жатқанын хабарлады.
Сонымен қатар Алматы тұрғындарына электр энергиясының сөнуінен кейін су беруде де іркілістер болуы мүмкін екені ескертілді.
Жарықтың сөнуіне байланысты тұрғындар қалалық инфрақұрылымның, соның ішінде әуежайдың да жұмысында қиындықтар туындағанын хабарлады.
Сондай-ақ Энергетика министрлігі болған жайтқа қатысты пікір білдіріп, жарықтың жаппай өшуіне не себеп болғанын айтты. Одан бөлек, Жетісу облысында да жарық өшіп қалғаны белгілі болды.
Істемей тұрған бағдаршамдар мен байланыстағы іркіліс: жарық өшкеннен кейін Алматыда не болып жатыр?
Видео
Оқиға кезінде кабиналардың бірінде болған оқырман редакцияға мән-жайды айтып берді.
Куәгердің сөзінше, олар сағат 15:01-де Шымбұлақтан Медеуге қарай аспалы жолмен жолға шыққан. Жолдың ортасында кабина тоқтап қалған.
"Жолда екі рет 10-15 минутқа тоқтадық. Нәтижесінде 1,5 сағаттай жүрдік. Шыға берісте қызметкерлер бөтелкедегі су беріп, жағдайымызды және медициналық көмек қажет пе деп сұрады", – деді оқырман.
Tengrinews.kz Шымбұлақ шипажайының баспасөз қызметінен пікір сұрады. Жарияланым шыққан сәтке дейін жауап келген жоқ.
Не болды?
Бүгін сағат 14:30 шамасында Алматының бірнеше ауданының тұрғындары электр жарығының сөнгенін хабарлады. Қалада Бостандық, Наурызбай, Әуезов және Алатау аудандарындағы тұтынушылардың жарықсыз қалғаны ресми түрде расталды. Сонымен қатар Алматы облысының бірнеше ауданы жарықсыз қалды.
Алдын ала мәліметтер бойынша, Алматыда жаппай жарықтың сөнуіне "KEGOC" АҚ-на тиесілі 500 кВ магистральдық электр желілерінің апаттық жағдайда ажырауы себеп болған.
Қалада байланыс нашарлап, жол қозғалысы қиындады, бағдаршамдар жұмыс істемей тұр. "Алатау Жарық Компаниясы" АҚ қазіргі уақытта мамандар электр қуатын қалпына келтіру бойынша қажетті жұмыстарды жүргізіп жатқанын хабарлады.
Сонымен қатар Алматы тұрғындарына электр энергиясының сөнуінен кейін су беруде де іркілістер болуы мүмкін екені ескертілді.
Жарықтың сөнуіне байланысты тұрғындар қалалық инфрақұрылымның, соның ішінде әуежайдың да жұмысында қиындықтар туындағанын хабарлады.
Сондай-ақ Энергетика министрлігі болған жайтқа қатысты пікір білдіріп, жарықтың жаппай өшуіне не себеп болғанын айтты. Одан бөлек, Жетісу облысында да жарық өшіп қалғаны белгілі болды.
Істемей тұрған бағдаршамдар мен байланыстағы іркіліс: жарық өшкеннен кейін Алматыда не болып жатыр?