Ермек Абдраманов Президент іс басқарушысының орынбасары болып тағайындалды
Ермек Абдраманов Президенті іс басқарушысының орынбасары болып тағайындалды, деп хабарлайды Tengrinews.kz Ақордаға сілтеме жасап.
Мемлекет басшысының өкімімен Ермек Маратұлы Абдраманов Қазақстан Республикасы Президенті іс басқарушысының орынбасары лауазымына тағайындалды.
Айта кетейік, бұған дейін аталған лауазымды Абай Алтай атқарған. Биыл 27 тамызда Мемлекет басшысының өкімімен ол қызметінен босатылды.
Еске салайық, Президент іс басқарушысы Асат Нұрпейісов.
Сондай-ақ 2 қыркүйекте Қасым-Жомарт Тоқаевтың жарлығымен Мұхтар Тілеуберді Сыртқы істер министрі болып тағайындалды. Бұл қызметке тағайындалғанға дейін ол Қазақстанның Аустриядағы төтенше және өкілетті елшісі, сондай-ақ Қазақстанның Венадағы халықаралық ұйымдар жанындағы тұрақты өкілі қызметін атқарды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!