Брюссельдегі әйгілі мүсінге тағы да шапан кигізілді
Брюссельдің орталығындағы атақты Manneken-Pis мүсіні тағы да қазақтың ұлттық киімін киді. Қазақстанның Республика күніне орай қола мүсінге шапан жабылды, деп хабарлайды Tengri Life.
Бельгия астанасының ең танымал нысандарының біріне қазақ костюмін кигізу игі дәстүрге айналған. Былтыр да Республика күні қарсаңында мүсінге Қазақстанның ұлттық киімі кигізілген болатын.
"Бұл бастаманы Қазақстан елшілігі Манекен-Пис сақшыларының орденімен бірлесіп жүзеге асырды", - деп хабарлады дипломатиялық өкілдік.
Instagram-дағы бұл жарияланымды көру
Брюссельдегі Қазақстан Елшілігінің жарияланымынан (@kazakhstaninbrussels)
Үш ғасырда мыңнан аса костюм
Маннекен-Пис мүсінін киіндіру XVII ғасырда басталған. Қолда бар мәліметтерге сүйенсек, алғашқы костюмді 1698 жылы Бавария курфюрсті Максимилиан-Эммануил сыйлаған. Содан бері бұл дәстүр Брюссельдің қызықты ерекшеліктерінің біріне айналып, қола баланың гардеробы мыңнан аса киімге толды.
Костюмдерді шетелдік делегациялар, түрлі елдер мен халықаралық ұйымдардың өкілдері тарту етеді. Кейбіреулер үшін атақты мүсінді киіндіру мүмкіндігі - ерекше мәртебе. Осылайша, Маннекен-Пис тек қаланың көрікті жері ғана емес, сонымен қатар әлем мәдениеттерінің өзіндік көрмесіне айналды.
Киімдер кесте бойынша ауыстырылып тұрады: ай сайын субұрқақтың қоршауына алдағы апталарға арналған костюмдер тізімі ілінеді. Гардеробты "Жалғыз баланың достары" коммерциялық емес ұйымы қадағалайды. Кейде киім ауыстыру сәті үрмелі аспаптар оркестрінің сүйемелдеуімен шағын салтанатты рәсімге ұласады.
Келушілер тек мүсіннің өзін ғана емес, оның бай гардеробын да тамашалай алады. Костюмдер коллекциясы орталық Гран-Плас (Grote Markt) алаңында орналасқан Брюссель қалалық мұражайында қойылған.
Манекен-Пис қайдан пайда болды?
Нидерланд тілінен аударғанда "сиіп тұрған бала" деген мағынаны білдіретін Манекен-Пис - Брюссельдің тарихи орталығында орналасқан шағын қола мүсін-субұрқақ. Ол Бельгия астанасының ең танымал рәміздерінің бірі болып саналады.
Бұл жердегі субұрқақ туралы алғашқы деректер XV ғасырға жатады, ал мүсінші Жером Дюкенуа жасаған қазіргі қола нұсқасы 1619 жылы орнатылған.
Тарихында ескерткіш бірнеше рет ұрланып, зақымдалған. Бүгінде мүсіннің түпнұсқасы Брюссель қалалық мұражайында сақтаулы, ал алаңда оның көшірмесі тұр.
Манекен-Писке қатысты бірнеше аңыз бар. Соның ішіндегі ең танымалы бойынша, Брюссель қоршауда қалғанда жаулар қала қабырғаларын жарып жібермек болады. Аңыз бойынша, Юлианске есімді кішкентай бала жанып жатқан білтенің үстіне дәрет сындырып, оны өшіріп тастайды, осылайша қаланы қираудан сақтап қалады.
Қазақтың ұлттық костюмі мүсінге бұған дейін де кигізілген. Атап айтқанда, 2021 жылдың жазында Қазақстан тәуелсіздігінің 30 жылдығын мерекелеу аясында және Астана күні қарсаңында Манекен-Писке шапан жабылған болатын.
Бельгия астанасының ең танымал нысандарының біріне қазақ костюмін кигізу игі дәстүрге айналған. Былтыр да Республика күні қарсаңында мүсінге Қазақстанның ұлттық киімі кигізілген болатын.
"Бұл бастаманы Қазақстан елшілігі Манекен-Пис сақшыларының орденімен бірлесіп жүзеге асырды", - деп хабарлады дипломатиялық өкілдік.
Instagram-дағы бұл жарияланымды көру
Брюссельдегі Қазақстан Елшілігінің жарияланымынан (@kazakhstaninbrussels)
Үш ғасырда мыңнан аса костюм
Маннекен-Пис мүсінін киіндіру XVII ғасырда басталған. Қолда бар мәліметтерге сүйенсек, алғашқы костюмді 1698 жылы Бавария курфюрсті Максимилиан-Эммануил сыйлаған. Содан бері бұл дәстүр Брюссельдің қызықты ерекшеліктерінің біріне айналып, қола баланың гардеробы мыңнан аса киімге толды.
Костюмдерді шетелдік делегациялар, түрлі елдер мен халықаралық ұйымдардың өкілдері тарту етеді. Кейбіреулер үшін атақты мүсінді киіндіру мүмкіндігі - ерекше мәртебе. Осылайша, Маннекен-Пис тек қаланың көрікті жері ғана емес, сонымен қатар әлем мәдениеттерінің өзіндік көрмесіне айналды.
Киімдер кесте бойынша ауыстырылып тұрады: ай сайын субұрқақтың қоршауына алдағы апталарға арналған костюмдер тізімі ілінеді. Гардеробты "Жалғыз баланың достары" коммерциялық емес ұйымы қадағалайды. Кейде киім ауыстыру сәті үрмелі аспаптар оркестрінің сүйемелдеуімен шағын салтанатты рәсімге ұласады.
Келушілер тек мүсіннің өзін ғана емес, оның бай гардеробын да тамашалай алады. Костюмдер коллекциясы орталық Гран-Плас (Grote Markt) алаңында орналасқан Брюссель қалалық мұражайында қойылған.
Манекен-Пис қайдан пайда болды?
Нидерланд тілінен аударғанда "сиіп тұрған бала" деген мағынаны білдіретін Манекен-Пис - Брюссельдің тарихи орталығында орналасқан шағын қола мүсін-субұрқақ. Ол Бельгия астанасының ең танымал рәміздерінің бірі болып саналады.
Бұл жердегі субұрқақ туралы алғашқы деректер XV ғасырға жатады, ал мүсінші Жером Дюкенуа жасаған қазіргі қола нұсқасы 1619 жылы орнатылған.
Тарихында ескерткіш бірнеше рет ұрланып, зақымдалған. Бүгінде мүсіннің түпнұсқасы Брюссель қалалық мұражайында сақтаулы, ал алаңда оның көшірмесі тұр.
Манекен-Писке қатысты бірнеше аңыз бар. Соның ішіндегі ең танымалы бойынша, Брюссель қоршауда қалғанда жаулар қала қабырғаларын жарып жібермек болады. Аңыз бойынша, Юлианске есімді кішкентай бала жанып жатқан білтенің үстіне дәрет сындырып, оны өшіріп тастайды, осылайша қаланы қираудан сақтап қалады.
Қазақтың ұлттық костюмі мүсінге бұған дейін де кигізілген. Атап айтқанда, 2021 жылдың жазында Қазақстан тәуелсіздігінің 30 жылдығын мерекелеу аясында және Астана күні қарсаңында Манекен-Писке шапан жабылған болатын.