Краковтағы атыс: күдікті ауруханада қайтыс болды
Өткен сенбіде Краков орталығында оқ атқан 24 жастағы Польша азаматы алған жарақатынан ауруханада қайтыс болды. Бұл туралы Польша полициясы X (бұрынғы Twitter) әлеуметтік желісінде хабарлады, деп жазады Tengrinews.kz.
"Осы қайғылы оқиғаларға себепкер болған адам бүгін таңертең ауруханада көз жұмғанын хабарлаймыз", - деп мәлімдеді Малопольска воеводствосының полициясы.
Анықтама: Малопольска воеводствосы - Польшаның оңтүстігінде орналасқан, орталығы Краков қаласы саналатын әкімшілік-аумақтық аймақ.
Informujemy, że sprawca tragicznych wydarzeń zmarł dzisiaj nad ranem w szpitalu.
— Małopolska Policja (@kwpkrakow) November 9, 2026
Краковтағы қайғылы оқиға
7 қарашада Краков қаласының орталығында қанды оқиға болды. Subaru көлігін тізгіндеген 24 жастағы Польша азаматы Михал О. базардағы адамдарға оқ жаудырған.
Польша билігінің жаңартылған мәліметіне сәйкес, шабуыл салдарынан алты адам қаза тауып, тағы 16 адам жарақат алған. Зардап шеккендердің арасында шетел азаматтары да бар.
Полиция қызметкерлері шабуыл басталғаннан бірнеше минут өткен соң күдіктіні тоқтатқан. Атыс кезінде қаскөйдің өзі де жараланып, ауруханаға жеткізілді. Сонымен қатар екі полиция қызметкері ауыр жарақат алған.
Кейінірек, көшедегі адамдарға оқ жаудырған ер адам бұған дейін өз ата-анасы мен қарындасын өлтіргені хабарланды.
Польша премьер-министрі Дональд Туск болған жайтты теракт деп атады. қазақстан Президенті Қасым-Жомарт Тоқаев адамдардың қаза болуына байланысты Польша президенті Кароль Навроцкийге көңіл айтты.
"Осы қайғылы оқиғаларға себепкер болған адам бүгін таңертең ауруханада көз жұмғанын хабарлаймыз", - деп мәлімдеді Малопольска воеводствосының полициясы.
Анықтама: Малопольска воеводствосы - Польшаның оңтүстігінде орналасқан, орталығы Краков қаласы саналатын әкімшілік-аумақтық аймақ.
Informujemy, że sprawca tragicznych wydarzeń zmarł dzisiaj nad ranem w szpitalu.
— Małopolska Policja (@kwpkrakow) November 9, 2026
Краковтағы қайғылы оқиға
7 қарашада Краков қаласының орталығында қанды оқиға болды. Subaru көлігін тізгіндеген 24 жастағы Польша азаматы Михал О. базардағы адамдарға оқ жаудырған.
Польша билігінің жаңартылған мәліметіне сәйкес, шабуыл салдарынан алты адам қаза тауып, тағы 16 адам жарақат алған. Зардап шеккендердің арасында шетел азаматтары да бар.
Полиция қызметкерлері шабуыл басталғаннан бірнеше минут өткен соң күдіктіні тоқтатқан. Атыс кезінде қаскөйдің өзі де жараланып, ауруханаға жеткізілді. Сонымен қатар екі полиция қызметкері ауыр жарақат алған.
Кейінірек, көшедегі адамдарға оқ жаудырған ер адам бұған дейін өз ата-анасы мен қарындасын өлтіргені хабарланды.
Польша премьер-министрі Дональд Туск болған жайтты теракт деп атады. қазақстан Президенті Қасым-Жомарт Тоқаев адамдардың қаза болуына байланысты Польша президенті Кароль Навроцкийге көңіл айтты.