Җәмгыять белеменнән бүгенге имтихан 4 сәгатькә якын дәвам итә
Бүген, 8 июньдә, 11 нче сыйныфны тәмамлаучылар җәмгыять белеменнән Бердәм дәүләт имтиханы тапшыра.
Татарстанда әлеге сынауга алынырга 7 609 укучы теләк белдергән. Моның өчен республикада 59 пункт эшли. Имтихан тапшыру өчен 3 сәгать 55 минут вакыт бирелә. Сынауны уңышлы узу өчен кимендә 42 балл җыярга кирәк.
Исегезгә төшерәбез, 6 июньдә Татарстанның 11 502 чыгарылыш сыйныф укучысы математикадан профиль дәрәҗә имтихан тапшырган иде. БДИның төп периоды, резерв көннәрне дә кертеп, 30 июньгә кадәр дәвам итә.