Авыл хуҗалыгы ярминкәсе Түбән Мактамага күчә
Әлмәттә чираттагы авыл хуҗалыгы ярминкәсе 20-21 сентябрьдә оештырыла.
Бу юлы ул Түбән Мактамада “Мактама-парк” сәүдә үзәге территориясендә узачак. Хәбәр иткәнебезчә, ярминкәдә әйберләр түбән бәяләргә сатыла. Социаль яклау идарәсе өлкән яшьтәгеләргә алган әйберләрен бушлай илтүне оештыра, ә волонтерлар бәрәңге, суган ише яшелчә һәм башкалар тутырылган капчыкларны машинага илтеп салырга ярдәм итәчәк.