Әлмәт районы башлыгы эшкә җәяү килде
Әлмәт муниципаль районы башлыгы Мәҗит Салихов та бүген “Бөтендөнья автомобильсез бер көн” акциясенә теләктәшлек белдереп, эшкә җәяү килгән.
– Әлмәтлеләрне бу акциядә катнашырга чакырам. Ул экология өчен дә, сәламәтлек өчен дә файдага гына булачак, – диде ул. – Мин үзем бик еш җәяү йөрим. Җәяү йөргәндә шәһәрдәге барлык җитешсезлекләр күренә.
Бер көнне автомобильсез уздыру гадәтен 1997 елда Англия башлап җибәрә. Аннан акциягә Франция һәм башка илләр дә кушыла.