Баланың кәрәзле телефонына кызыккан
Лениногорскида полиция хезмәткәрләре кечкенә яшьтәге баланың кәрәзле телефонын алган ир-атны тоткарлаганнар.
Малай куркып калмаган, якындагы кибеткә йөгереп кереп, сатучыга үзен талаулары турында әйткән. Сәүдә хезмәткәрләре полициягә шалтыратканнар. Килеп җиткән экипаж тиз арада яшьләр төркеме белән басып торган җирендә талаучыны тоткарлаган. Аннан урланган телефонны табып алганнар. Җинаять эше кузгатылган.