Әлмәттә туризм үсеше өчен шартлар бар
Әлмәт районының музей хезмәткәрләре Бөтенроссия конференциясендә катнаштылар. Конференция Чистайда узды һәм анда илнең төрле төбәкләреннән туризм һәм мәдәният өлкәсендәге башкарма власть органнарыннан 150 вәкил катнашты.
Пленар өлештә кече шәһәрләрнең туризм буенча мөмкинлекләрен күтәрү турындагы проблемалар күтәрелде. Музей хезмәткәрләре конференциянең файдалы үтүен, Әлмәтнең дә бай тарихка ия икәнлеген һәм биредә туризм үсеше өчен шартлар булуын искәрттеләр.