Иуџьаль Сергьегьиаԥҳа: ҳахьыҟазаалакгьы, аԥсуара ҳарӡӡом
Ҭырқәтәыла инхо ҳџьынџьуаа иахьанӡа еиқәырханы иааргоит ҳҵасқәеи, ҳқьабзқәеи, ҳхатәы бызшәеи. Ари аус анагӡараҿы, уахи-ҽни аџьабаа рбоит, аԥсуа культуратә центрқәа - Адернеқьқәа. Дара аартуп, Ҭырқәтәыла аҳҭнықалақь Анкара, инаркны, егьырҭ хыԥхьаӡара рацәала аԥсуаа ахьынхо ақалақьқәа рҟынгьы. Адернеқьқәа жәпакы рыҩнуҵҟа иаԥҵоуп Аҳәса Рхеилакқәа.