Мрамза Ҷкәатуаԥҳа: сахьыҟазаалак уалны исыԥхьаӡоит Аԥсынра ахьӡ аҭыгара

Аԥсны Аџьынџьтәылатә еибашьра анцоз аамҭазы ииз аҭыԥҳа Мрамза Ҷкәатуаԥҳа, Ҭырқәтәыла, қәҿиарала иреиҳау аҵараиурҭа далганы, иахьа лхы-лгәы дақәгәырӷьо лыԥсадгьыл ахь дхынҳәит. Лара лаб, Оқтаи Ҷкәатуа, Аԥсны ибзианы деицырдыруеит Ҭырқәтәылантәи раԥхьа зҭоурыхтә ԥсадгьыл ахь ихынҳәыз ҳџьынџьуаҩ иаҳасаб ала.