Аҧсны аҵареи аҭҵаарадырреи рминистрра Калдахәаратәи ашкол-интернат жәаф-ҭыҧ змоу автобус ҳамҭас иарҭеит, иҳәеит арадио Sputnik амҩаԥгаҩ Сусанна Саӡԥҳа ҭелла дзыҿцәажәоз ашкол адиректор Дмитри Пасхалов.
Аицлабра ҳҟазацәа зегьы алахәызарц ҳҭахуп, акомиссиа иреиӷьу апроект алхра алшара роурцаз, лҳәеит арадио Sputnik иалҭаз аинтервиу аҿы Аԥсны акультуреи аҭоурыхтә культуратә ҭынҳа ахьчареи рминистр Ельвира Арсалиаԥҳа.
Аолимпиада иалахәым атәылақәа рбираҟқәа атрибунақәа рахь рнагара азин ҟарҵом.
Ҭырқәтәыла иқәынхо ҳџьынџьуаа аԥсуа бызшәазы арҵаратә курсқәа игәцаракны ирымоуп, лҳәеит арадио Sputnik Сҭамԥылынтәи ҭелла иалҭаз аинтервиу аҿы акурсқәа мҩаԥызго арҵаҩы Дали Санӡааԥҳа.
Ҭырқәтәылатәи аҳаиртә авиациа ажәылара иахҟьаны ԥшьҩык аҭынч уааԥсыра ҭахеит, 14-ҩык ахәрақәа роуит ҳәа аҳәамҭа ҟарҵеит "Шьамтәылатәи адемократиатә мчрақәа" ркомандаҟаҵара.
Гал араион ауааԥсыра апаспортқәа риура, анхара азин аиура, тәанчахәыла аиқәыршәара уҳәа азҵаарақәа ринтерес рыманы ишьҭырхит Аԥсны анапхгареи дареи реиԥылараан.
Галтәи араионтә хәышәтәырҭа аҳақьымцәеи Аԥсны Ахадеи алацәажәеит амагнит-резонанстә тамограф азы ахыбра аргылара азҵаара. Аҳақьымцәа ражәақәа рыла МРТ Гал араионаҿ аҟазаара иалнаршон ҳтәылауаа ҽыхәышәтәра ҳәа Қырҭтәылаҟа рымцара.
Абокс азы Аладатәи Афедералтә округ аиндаҭлара иалахәын 130-ҩык рҟынӡа аспортсменцәа қәыԥшцәа.
Арадио Sputnik Аԥсны апроект "Агәалашәара амҩала" захьӡу аҿы Аԥсны Аџьынџьтәылатә еибашьра ахроника шәыдаагалоит, иара хацыркуп нанҳәа 14 2017 шықәса инаркны.
Аԥсны аполитикатәи ауаажәларратәи партиақәа реидгыла аҩашаҽны апресс-конференциа мҩаԥыргеит.
